الجيب وانواعها وازاى تلبسيها
في الفتره الاخيره ظهرت الجيبات بشكل ملحوظ واصبحت موضه خصوصا هذه الايام بعدما اختفت فتره من الزمن واصبح 70% من البنات اتجهت للبناطيل بانوعها سواء جينز او ليكرا او قماش وبدات موضه البناطيل وتنسيق البلوزات المناسبه لها وتنسيق الالوان وظهور اشكال جديده وجذابه ، ولكن مع عوده الموضه مره الاخري من ايام السبعينات عادت الجيبات معها واتجهت البنات لها خصوصا في فتره المراهقه من سن 15 الي 20 الي 30 سنه بشكل ملحوظ وجذاب حيث انتشرت الجيب بانوعها في الموسم الاخير من العام الماضي وظلت في تطور والوان ونقوش واشكال جميله مما ادي الي تغيير معظم البنات اللي الجيبات ولكن بعض البنات تريد المعرفه الاكثر عن الجيب وانواعها واشكالها وكيفيه ارتدائها لذلك ساوضح لكم بعض انواع الجيبات مع كيفيه ارتادئها وتنسيق الوانها .
1- الجيبه علي شكل دائره :
الجيبه الي من النوع ده ممكن تتلبس في السهرات والمناسبات او العزومات لانها بتتميز بمنظر منفوش ونقوش حلوه ممكن تدخلي جواها شميز مناسب معاها او بلوزه النقش فيها مناسب معاها بتليق جدا علي كل انواع الجسم وممكن تنسقي معاها جزمه بكعب ببوز من قدام او صندل مفتوح او ممكن كوتشي شيك،بتديكي شكل جميل وبتليق علي كل انواع الجسم وبتخفي الديفوهات والعيوب اللي في جسمك وبتديكي اطلاله جذابه وملفته.
2- الجيبه السك :
وهي الجيبه اللي بتاخد شكل الجسم من اول البطن لحد الرجل وبتحدده ومناسبه جدا للخروجات الليليه والسهرات والمناسبات الشخصيه ومناسبه للدروس لانها بسيطه وبتليق على كل انواع البلوزات واشكالها المختلفه وبتدي شكل جذاب ، ممكن تلبسيها مع كوتشي او جذمه مفتوحه او بلرينا هتكون حلوه في كل الحالات وهتديكي شكل جميل وكلاسيكي،ممكن تدخلي طرف البلوزه من قدام فيها او اللي من ورا او ممكن تسيبها لبرا بس تكون محدده منطقه البطن او تكون منفوشه اوي او ضيقه اوي.
3- الجيبه البليسيه :
وهي عباره عن جيبه فيها كسر وبتكون واسعه من فوق لتحت وممكن تلبسي عليها شميز او بلوزه خفيفه وتنسقي معاها حذاء نفس لون البلوزه او التيشرت او ممكن انك تلبسي الجيبه والتيشرت نفس اللون وتغيري في لون الشوز بحيث يكون لايق مع الجيبه.
4- الجيبه line :
وهي الجيبه اللي بتكون علي شكل حرف A ، بتكون ضيقه من فوق ونازله بوسع لتحت والنوع ده من الجيبات مناسب للخروجات العاديه والدروس ولو خارجه مع اهلك وبسيطه وبتناسب الجامعه وممكن تلبسي معاها كوتشي لون البلوزه او بلرينا.
5- الجيبه القصيره او الميني سكيرت :
الجيبه دي بتكون حلوه في السهرات او اعياد الميلاد او الحنه او سهره عائليه او ممكن تلبسيها في شغلك لانها بتدي شكل جذاب وملفت وبتدي شكل حلو للجسم لو انتي جسمك مليان او مليانه من منطقه الارداف لانها بتحددها وبتكون حلوه جدا مع شوز ببوز من قدام او بلرينا مناسبه في اللون وممكن تدخلي البلوزه فيها من جوا او تكون اللبلوزه قصيره او ممكن تكون طويله وواسعه لو انتي طويله والاكسسورارت مهمه جدا.
